Firefox mugikorretarako

114

Firefox nabigatzaileak, azken bertsioan (6.0.), euskara hizkuntza gehitu du, beraz, hemendik aurrera euskaraz erabili ahal izango dugu. Hori bai, euskaraz erabil ahal izateko, gure telefonoa edo tableta euskaraz konfiguratu beharko dugu, bestela ez digu aukera hau emango.

Konfiguratzeko, bi era desberdinetan egin beharko dugu:

  1. Gure gailuari hizkuntza aldatu eta euskaraz konfiguratu (Android sistema zaharra baduzue agian ezin duzue egin, bertsio berrietan egin daiteke). Euskaraz konfiguratu eta gero bera bakarrik konfiguratuko da euskaraz.
  2. Android sistema berrietan, hizkuntzen hobespenetan, beste hizkuntza gehitzeko aukera ematen badizue, euskara gehitu, bilatu “+” ikurra eta gehitu. Zalantzak badituzue jarri nirekin kontaktuan.
  3. iOS (Apple) sistemaren kasuan, telefonoa nahi dugun hizkuntzan erabili ahal dugu, hori bai, Firefox edo nahi dugun beste aplikazio edo joko euskaraz erabiltzeko, konfigurazio txiki bat egin beharko dugu, hemen azaltzen dut nola egin behar den.

Deskargatu hemen:

*Gogoratu iPhone edo iPad duzuenontzat:*

Aplikazioak euskaraz konfiguratu nahi badituzue, jokoak euskaraz erabili edo euskaraz nabigatu sakatu hemen.

*Android*

Aplikazioa edo jokoa hizkuntza bakarra badu, euskara hutsean badago, automatikoki euskaraz konfiguratuko zaizue, berdin da gailua zein hizkuntzatan erabiltzen duzuen. Horrela ez bada, euskaraz eta beste hizkuntzatan erabili ahal dela esan nahi du, hortaz, gailua euskaraz konfiguratu behar duzue, bestela ezin izango duzue euskaraz erabili.

Martxan jartzen duzuenean, hizkuntzak aukeratzeko aukera ematen badizue, euskara aukeratu (batzuk ez dute aukera hau ematen).

Honi buruz gehiago jakiteko sakatu hemen.

ELKARBANATU