Soka, euskal dantza

263

Azkue Fundazioak Soka aplikazioa garatu du, euskal dantzei buruzko euskarazko edukiak eskaintzeko asmotan. Euskal Kultur Erakundeak sortutako Soka erakusketatik abiatuta, horren eduki batzuk aplikazio hau sortzeko erabili ditugu.

Euskal dantzen inguruko edukiak modu didaktiko, atsegin eta dibertigarrian aurkeztu nahi izan ditugu eta horregatik aplikazioak bi atal ditu: euskal dantzen inguruko galdera-erantzunen jokoa eta Euskal Herri osoko dantza ekitaldien egutegia.

Euskaraz garatuta dago aplikazioa eta doan eskuratu daiteke.

Soka aplikazioaren bidez modu erraz eta atseginean euskal dantzari buruz gehiago ikas zenezake. Hauek dira aplikazioaren bi atalak:

◦ Alde batetik, euskal dantzen inguruko galdera erantzunen jokoa. Jokoak lau maila ditu: Kautera, Bolanta, Aurreskularia eta Dantzamaisua. Erabiltzaileari euskal dantzen inguruko galderak aurkeztuko zaizkio eta erantzun zuzena zein den erabakitzeko lau aukera desberdin. Galdera bakoitzean eduki osagarria aurkituko du, irudi edo azalpenen bat.
Zuzen erantzutako galdera bakoitzak puntu kopuru jakin bat lortuko du eta hauek gehituko dira, erabiltzaileen arteko sailkapen zerrenda osatuz.
Edukiak Euskal Kultur Erakundeak Soka, euskal dantzaren urratsetan erakusketarako sortutakoetan oinarrituta daude.
Adin guztietara zuzendutako jokoa da, maila bakoitzean galderen zailtasuna handitzen delarik.

◦ Bestalde, aplikazioak Euskal Herri osoan zehar burutzen diren euskal dantza ekitaldien egutegia erakusten du. Lekua eta kokapen geografiko eta dataren arabera agertzen dira. Horrela, mapa batean bilatuta jakin ahal izango da egunero Euskal Herriko zein tokitan izango den euskal dantzarekin erlazionatutako ekitaldi, jai edo ospakizunen bat. Ekitaldi bakoitzaren inguruko informazioa eskaintzen da.

Animatu zaitez eta deskargatu doako Soka aplikazioa. Euskal dantzen inguruan asko ikasiko duzu eta dantzamaisua bilakatuko zara!

Deskargatu hemen:

*Gogoratu iPhone edo iPad duzuenontzat:*

Aplikazioak euskaraz konfiguratu nahi badituzue, jokoak euskaraz erabili edo euskaraz nabigatu sakatu hemen.

*Android*

Aplikazioa edo jokoa hizkuntza bakarra badu, euskara hutsean badago, automatikoki euskaraz konfiguratuko zaizue, berdin da gailua zein hizkuntzatan erabiltzen duzuen. Horrela ez bada, euskaraz eta beste hizkuntzatan erabili ahal dela esan nahi du, hortaz, gailua euskaraz konfiguratu behar duzue, bestela ezin izango duzue euskaraz erabili.

Martxan jartzen duzuenean, hizkuntzak aukeratzeko aukera ematen badizue, euskara aukeratu (batzuk ez dute aukera hau ematen).

Honi buruz gehiago jakiteko sakatu hemen.

ELKARBANATU