Read in English | Leer en Español
Doug Leith irakasleak (Trinity College Dublin, The University of Dublin) azterketa bat egin du duela gutxi, gaur egun erabiltzen diren Interneteko nabigatzaile ezagunenen pribatutasun-maila egiaztatzeko. Guztira sei nabigatzaile aztertu zituen:
- Google Chrome.
- Mozilla Firefox.
- Apple Safari.
- Brave Browser.
- Microsoft Edge.
- Yandex Browser.
BRAVE
Braveren konfigurazio lehenetsiarekin, ez da aurkitu IP helbidearen jarraipena denboran zehar egiteko identifikatzailerik, eta ez ditu partekatzen bisitatutako web orrien xehetasunak back-end zerbitzariekin. Aztertutako nabigatzaile guztietatik, erabiltzailearen pribatutasuna gehien babesten duena da.
Brave nabigatzailearen web orria
CHROME, FIREFOX ETA SAFARI
Chrome, Firefox eta Safarik bisitatutako web orrien xehetasun guztiak hondoko zerbitzariekin partekatzen dituzte. Hirurentzat, bilaketa automatikoki osatzeko funtzioaren bidez gertatzen da hori, funtzio horrek, web helbideak bidaltzen ditu back-end zerbitzarietara idazten diren heinean denbora errealean. Chromek, identifikatzaile iraunkor bat bidaltzen du web helbide horien ondoan, eta horrek elkarrekin lotzeko aukera ematen die.
Bestalde, Firefox-ek identifikatzaileak ditu telemetria-transmisioetan, eta denboran zehar lotzeko erabil daitezke. Telemetria desgaitu daiteke, baina berriro ere modu isilean gaitzen da. Firefox-ek push jakinarazpenetarako irekitako websocket bat ere badu, identifikatzaile bakarrari lotua, eta, beraz, jarraipenerako ere erabil daiteke, eta ezin da erraz desgaitu.
Safari-k, lehenespen gisa, hasierako orrialdearen aukera bat ezartzen du, hainbat hirugarrenentzako informazioa iragaz dezakeena eta nabigatzailearen cache memorian identifikatzaileak dituzten orrialdeak aurrez kargatzea ahalbidetzen duena. Safarik ez zuen sare-konexio arrarorik egin eta ez zuen identifikatzaile iraunkorrik transmititu, baina iCloud-ren aliatuen prozesuak identifikatzaileak zituzten konexioak egin zituen.
MICROSOFT EDGE ETA YANDEX
Pribatutasunaren ikuspegitik, Microsoft Edge eta Yandex kualitatiboki desberdinak dira aztertutako beste nabigatzaileekin alderatuta. Biek bidaltzen dituzte identifikatzaile iraunkorrak, eskaerak (eta IP helbidea / kokalekua) back-end zerbitzariekin lotzeko erabil daitezkeenak. Halaber, Edge-k gailuko hardwarearen UUID Microsoft-era bidaltzen du, eta Yandex-ek hash hardware identifikatzaile bat transmititzen du back-end zerbitzarietara. Dakigunez, erabiltzaileek ezin dute portaera hori desgaitu.
Bisitatutako web orrien xehetasunak partekatzen dituen bilaketa osatzeko funtzionaltasunaz gain, biek ematen dute informazioa web-orritik zerbitzarietara, eta, dirudienez, ez dute loturarik bilaketarekin.
INFORMAZIO ITURRIA: Egindako azterlanaren agiri ofiziala (PDF)
